इंडिया दर्पण ऑनलाईन डेस्क – अनेक देशांमध्ये क्रिप्टोकरन्सी ऑनलाईन शॉपिंगमध्ये वापरली जाते. प्रत्येक देशाचे स्वतःचे एक चलन असते. उदा. भारताचे चलन रुपया आहे. सौदी अरेबियाचं रियाल आणि अमेरिकेचे डॉलर हे चलन आहे. इतर देशांकडेही त्यांचे स्वतःचे एक चलन आहे. परंतु क्रिप्टोकरन्सी हे आभासी चलन आहे. ते नोटा किंवा नाणी स्वरुपात छापता येत नाही, तरीही त्याला मूल्य आहे.
क्रिप्टोकरन्सीची सुरुवात २००९ मध्ये झाली. बिटकॉइन ही जगातील सर्वांत मोठी क्रिप्टोकरन्सी असून तिच्यामुळेच क्रिप्टोकरन्सी जगाला माहित झाली. जपानमधील सतोशी नाकामोटो नावाच्या इंजिनीअरने बिटकॉइनची निर्मिती केली. जगात १ हजार हून अधिक क्रिप्टोकरन्सीज आहेत. सध्या क्रिप्टोकरन्सीमध्ये गुंतवणूक करण्याबद्दल जगभरातील नागरिकांमध्ये खूप उत्साह आहे. भारतातही मोठ्या संख्येने नागरिक क्रिप्टोकरन्सीमध्ये पैसे गुंतवत आहेत. क्रिप्टोकरन्सीमध्ये गुंतवणुकीमुळे सर्वसामान्यांना फायदा होत असतानाच, यामध्ये गुंतवणूक करून भरपूर संपत्ती कमावणारे अनेक तरुण आहेत. एवढेच नाही तर फोर्ब्सच्या सर्वात श्रीमंत अमेरिकन नागरिकांच्या यादीतही त्यांचे नाव आहे. कोण आहेत ते तरुण ? वास्तविक आधी मध्यमवर्गीय कुटुंबातील होते पण क्रिप्टोकरन्सीने त्यांचे नशीब बदलले…
सॅम बँकमन-फ्राइड
हे क्रिप्टोकरन्सी एक्सचेंज FTX चे संस्थापक आणि CEO, क्रिप्टो उद्योगाच्या वतीने फोर्ब्सच्या यादीमध्ये समाविष्ट केलेले सर्वात श्रीमंत अब्जाधीश आहेत. सॅम बँक्समन-फ्राइड यांची एकूण संपत्ती 1.67 लाख कोटी रुपयांपेक्षा जास्त आहे. तो 17.51 लाख कोटी रुपयांच्या क्रिप्टो साम्राज्यावर वर्चस्व गाजवण्यासाठी चालू असलेल्या स्पर्धेत वर्चस्व गाजवणाऱ्या चार प्रमुख व्यक्तींपैकी एक आहे. त्याची बहुतेक मालमत्ता FTX शेअर्स आणि टोकन्समध्ये आहे. क्रिप्टो उद्योगाच्या वतीने फोर्ब्सच्या यादीत समाविष्ट करण्यात आलेला तो सर्वात श्रीमंत अब्जाधीश आहे.
ब्रायन आर्मस्ट्राँग
ब्रायन आर्मस्ट्राँग हे अमेरिकेतील सर्वात मोठे क्रिप्टो एक्सचेंज कॉईन बेस चे CEO आणि सह-संस्थापक आहेत. कॉईन बेस एप्रिल 2021 मध्ये सूचीबद्ध झाल्यापासून त्याची संपत्ती सातत्याने वाढत आहे. कंपनीत आर्मस्ट्राँगची 19 टक्के हिस्सेदारी आहे. आता त्यांची एकूण संपत्ती ११.५ अब्ज डॉलरवर पोहोचली आहे.
चेंगपेंग झाओ
बीनान्सेचे संस्थापक आणि CEO चांगपेंग झाओ हे चीनी वंशाचे आहेत परंतु त्यांचे साम्राज्य कॅनडातून चालवतात. त्याने तीन वर्षांपूर्वी बिट-मेक्स एक्सचेंजचे संस्थापक अमेरिकन आर्थर हेसला मागे टाकले. 2021 पर्यंत, त्याची एकूण संपत्ती 1.9 अब्ज डॉलर्स इतकी आहे.
कॅमेरून आणि टायलर बंधू
बिटकॉइनमुळे कॅमेरॉन आणि टायलर विंकलेव्हॉस हे पहिले अब्जाधीश असल्याचे मानले जाते. विंकल विविध प्रकारच्या क्रिप्टोकरन्सीमध्ये गुंतवणूक करते. दोन्ही भावांची जेमिनी एक्सचेंजमध्येही गुंतवणूक आहे. चलनात असलेल्या बिटकॉइनपैकी एक टक्का या दोन भावांकडे असल्याचा दावाही केला जात आहे. दोघांकडे 1, लाख 80 हजार बिटकॉइन्स असल्याचा अंदाज आहे.
मध्यमवर्गीय कुटुंबातील
चार प्रमुख क्रिप्टो व्यावसायिकांबद्दल माहिती आहे की हे चौघेही मध्यमवर्गीय कुटुंबातील आहेत. आर्थर हेस एका साध्या व्यावसायिक कुटुंबातून आले होते, तर बँकमनचे वडील स्टॅनफोर्ड विद्यापीठात कायद्याचे प्राध्यापक आहेत. याशिवाय सांस्कृतिक क्रांतीदरम्यान झेंगचे वडील चीनमधून कॅनडात पळून गेले.
