इंडिया दर्पण ऑनलाईन डेस्क – दुहेरी हत्याकांडाचे गूढ उकलण्यास हरियाणातील करनाल पोलिसांना यश आले आहे. या प्रकरणी पोलिसांनी एका आरोपीला अटक केली आहे. विश्वजीत असे अटक करण्यात आलेल्या आरोपीचे नाव असून, सध्या तो पोलीस कोठडीत आहे. ज्या कुऱ्हाडीने त्याने मित्राची हत्या केली तीही पोलिसांनी जप्त केली. याआधी आरोपीने पत्नीची निर्घृण हत्या केली होती. या प्रकरणामुळे सर्वत्र खळबळ उडाली होती.
पोलीसांकडून मिळालेल्या माहितीनुसार, विश्वजीतच्या वडिलांनी एकेकाळी विधानसभा निवडणूकही लढवली आहे. विश्वजीतची पूर्वी एक शाळा होती, ज्यामध्ये त्याचा मित्र केअर टेकर म्हणून काम करत होता. विश्वजीतला पत्नी आणि आपल्या मित्रामध्ये अनैतिक संबंध असल्याचा संशय होता, त्यामुळे त्याने या दोघांची हत्या केली. आरोपी विश्वजीतने दोन महिन्यांपूर्वी अनैतिक संबंधाच्या संशयावरून पत्नीची हत्या केली होती.
विशेष म्हणजे दि. 3 जून रोजी आरोपीने क्रिकेटच्या बॅटने मारहाण करत पत्नीची हत्या केली होती. मारहाणीत पत्नी गंभीर जखमी झाली. तिला उपचार न मिळाल्याने 5 जून रोजी तिचा मृत्यू झाला. यानंतर आरोपींनी शाळेतच तिच्यावर अंत्यसंस्कार केले आणि राख कालव्यात फेकून दिली. कुटुंबीय आणि सासरचे लोक आरोपीच्या संपर्कात नव्हते, त्यामुळे पत्नीच्या मृत्यूची माहिती कोणालाच मिळाली नाही.
दरम्यान, पत्नीची हत्या केल्यानंतर आरोपीने दोन महिन्यांनी अनैतिक संबंधांच्या संशयातून दारुच्या नशेत मित्राचीही कुऱ्हाडीने वार करुन हत्या केली. एवढेच नाही तर त्याचा प्रायव्हेट पार्टही 90 टक्के कापला. मित्राची हत्या केल्यानंतर आरोपी विश्वजीत खोलीला कुलूप लावून दुसऱ्या खोलीत आपल्या दोन मुलांसह राहत होता. मृतदेहाची विल्हेवाट लावण्याआधीच पोलिसांनी संशयाच्या आधारे त्याला ताब्यात घेतले. पोलिसांच्या चौकशीत विश्वजीतने पत्नीच्या हत्येचीही कबुली दिली.
Crime Wife Murder Friend Attack 2 Arrested Police
Haryana Karnal Investigation Double Murder
