इंडिया दर्पण ऑनलाईन डेस्क – छोट्या पडद्यावरील अभिनेत्री आणि तिच्या मित्रावर भारतीय सैन्यातील माजी अधिकाऱ्याला फसवून त्यांना ११ लाख रुपयांचा गंडा घातल्याचा आरोप करण्यात आला आहे. पठाणमथिट्टा येथे राहणारी मल्याळम अभिनेत्री नित्या ससी आणि तिचा मित्र बिनू यांना नुकतीच कोल्लम येथे पोलिसांनी अटक केली आहे.
मिळालेल्या माहितीनुसार, भारतीत सैन्यातील हे माजी अधिकारी केरळ विद्यापीठात कामाला असून तिरुवनंतपुरममधील एका छोट्याशा शहरात ते वास्तव्यास आहेत. अभिनेत्री ससी ही स्वतः एक वकीलही आहे. २४ मे रोजी घर भाड्यावर घेण्यासबंधी तिचं सैन्यदलातील माजी अधिकाऱ्याशी फोनवर संभाषण झालं. त्यानंतर तिने त्यांच्याशी मैत्री केली अन् ती वारंवार त्यांच्या घरीदेखील येऊ लागली. पोलिसांनी दिलेल्या माहितीनुसार, “काही दिवसांनी एकदा तिने घरी येऊन त्या अधिकाऱ्याला कपडे काढण्यासाठी धमकावले, अन् नंतर तिचा मित्र बिनूने त्या दोघांचे मोबाइलमध्ये नग्न अवस्थेतील अश्लील फोटोज काढले.”
त्यानंतर त्या दोघांनी त्या वृद्ध व्यक्तीकडे २५ लाख रुपयांची मागणी केली. याबरोबरच मोबाइलमधील नग्न फोटो सोशल मीडियावर व्हायरल करण्याची धमकी देखील दिली. सातत्याने धमक्या मिळाल्याने पीडित व्यक्तीने त्यांना ११ लाख रुपये देऊन टाकले. तरी त्यांनी आणखी पैशांसाठी त्या वृद्ध व्यक्तीला धमकावणे सुरूच ठेवले. यालाच कंटाळून त्यांनी या दोघांच्या विरोधात परावुर येथे पोलिसात तक्रार नोंदवली. नित्या आणि बिनू दोघांनाही पोलिसांनी अटक केली असून त्यांची चौकशी सुरू आहे. लवकरच त्यांना कोर्टासमोर उभं केलं जाईल असं सांगण्यात आलं आहे. दरम्यान, या घटनेने दक्षिण भारत मनोरंजन विश्वात खळबळ उडाली आहे.
