इंडिया दर्पण ऑनलाईन डेस्क – एका चहावाल्याला ग्राहकाकडे उधारी मागणे जीवावर बेतले. त्या तरुणांनी उधारी देण्या ऐवजी चक्क चहा दुकानदाराला गोळ्या घातल्या, त्यात तो गंभीर जखमी झाला. पाटणा येथील सत्यम पार्कसमोर महादेव टी स्टॉल नावाच्या हातगाडीवर सुनील महतो उर्फ कारी (२९) हा चहाचा ठेला चालवतो. त्यांचे तीन तरुणांशी भांडण झाले, कारण कारी हा त्याच्याकडे ५० हजार रुपयांची उधारी तथा थकबाकी मागत होता. तरुण आणि चहा दुकानदार यांच्यात हाणामारी झाली. भांडणात कारी यांच्या दुकानात लावलेल्या काचेच्या काचा फोडल्या. त्यानंतर त्यांनी त्याला नंतर येण्याची धमकी दिली. मग ते सगळे तिथून निघून गेले. मात्र काही वेळातच ते तिघे तरुण पुन्हा वेगाने दुचाकीवरून परतले आणि त्यांनी कारी यांच्या छातीत गोळी झाडली.
या घटनेची माहिती मिळताच पोलीस अधिकारी घटनास्थळी पोहोचले आणि त्यांनी तपास सुरू केला. दरम्यान, जखमींना उपचारासाठी पीएमसीएचमध्ये दाखल करण्यात आले आहे. गोळीबार करण्यापूर्वी तरुण दुचाकीवरून उतरला. त्यातला एक म्हणाला की, यानेच मला मारले होते. यानंतर तिघांपैकी एकाने कंबरेतून पिस्तूल काढून कारीवर गोळी झाडून पळ काढला. प्रत्यक्षदर्शींच्या म्हणण्यानुसार, पळून जात असताना त्यांची ओळख पटू नये म्हणून गुन्हेगारांनी त्यांच्या दुचाकीवरील नंबर प्लेट काढून टाकल्या. आरोपी तरुण अनेकदा त्याच्या दुकानात येऊन चहा, सिगारेट ओढत असल्याची माहिती जखमी दुकानदार कारी यांनी पोलिसांना दिली आहे. तो त्यांना ओळखतो पण त्यांची नावे आणि पत्ते माहीत नाही. एका आरोपीची जवळपास ओळख पटली आहे. रात्री उशिरापर्यंत पोलिस आरोपींच्या शोधात छापे टाकत होते.
