इंडिया दर्पण ऑनलाईन डेस्क – शालेय विद्यार्थ्यांची रिक्षा किंवा स्कूल मधून वाहतूक करणे, ही एक मोठी जबाबदारी असते. कारण लहान मुलांना बसमध्ये चढविणे उतरविणे, तसेच सुरक्षित स्थळी म्हणजे त्यांच्या घरी किंवा स्कूलपर्यंत सोडणे हा महत्त्वाचा टप्पा पार करताना वाहन चालकांना मोठी काळजी घ्यावी लागते. परंतु काही वेळा असे प्रसंग उद्भवतात की वाहनचालक घाबरून जाऊ शकतो. मात्र प्रसंगावधान राखत त्यातून काही वांचालक मार्ग काढतात. पंजाब मध्ये असाच एक धक्कादायक प्रकार घडला आहे. एका स्कूलबसवर नंग्या तलवारींद्वारे हल्ला झाल्याने सर्वत्र खळबळ उडाली. मात्र अशा गंभीर प्रसंगी देखील जखमी झालेल्या वाहन चालकाने प्रसंगावधान राखत विद्यार्थ्यांना सुरक्षित स्थळी पोहोचविले. याची सध्या चर्चा होत असून त्या वाहन चालकाचे कौतुक होत आहे.
पोलिसांनी दिलेली माहिती अशी की, पंजाबच्या बरनालामध्ये स्कूल बसवर धारधार शस्त्रधारी बाइकस्वारांनी हल्ला चढवला. यात बस ड्रायव्हर जखमी झाला. धारधार शस्त्र आणि तलवारींनी हल्लेखोरांनी बसच्या काचा फोडल्या. पंजाबच्या बरनालामध्ये स्कूल बसवर धारधार शस्त्रधारी बाइकस्वारांनी हल्ला चढवला. यात बस ड्रायव्हर जखमी झाला. धारधार शस्त्र आणि तलवारींनी हल्लेखोरांनी बसच्या काचा फोडल्या. बसमध्ये शालेय विद्यार्थी प्रवास करत होते. त्यामुळे विद्यार्थ्यांमध्ये भीतीचे वातावरण पसरले आणि आरडाओरडा सुरू झाला.
विशेष म्हणजे जखमी झालेल्या ड्रायव्हरनं प्रसंगावधान दाखवत हल्लेखोऱ्यांच्या तावडीतून सुटण्यासाठी बस थेट नजिकच्या डीएसपी ठाण्यात नेली. यामुळे बसमधील विद्यार्थ्यांचा जीव वाचला आणि त्यांना कोणतीही दुखापत झाली नाही. या संपूर्ण प्रकरणाची पोलीस चौकशी करत आहेत. एका हल्लेखोराची ओळख पटवून त्याला अटक करण्यात आली आहे. बरनाला मधील एअर फोर्सच्या केंद्रीय विद्या मंदिरच्या शालेय विद्यार्थ्यांनी भरलेल्या स्कूल बसवर काही हल्लेखोरांनी धारधार शस्त्रांनी हल्ला केला. बसमध्ये जवळपास ३० ते ३५ विद्यार्थी होते. शाळा सुटल्यानंतर विद्यार्थ्यांना घरी सोडण्याचं काम बस ड्रायव्हर करत होता.
इतक्यात अचानक चार मोटरसायकलस्वारांनी बसवर चक्क तलवारी आणि लोखंडी हत्यारांनी हल्ला केला. या घटनेत बसच्या काचा फुटल्या. तर ड्रायव्हर लखविंदर सिंग तलवारीच्या हल्ल्यात जखमी झाला. तरी प्रसंगावधान बाळगत ड्रायव्हरनं बसचा वेग वाढवत ती थेट पोलीस ठाण्यात नेली आणि हल्लेखोरांपासून सुटका केली. बसवरील हल्ल्याचे प्रत्यक्षदर्शी असलेल्या काहींनी सांगितलं की बसवर ज्यावेळी हल्ला झाला तेव्हा खूप दहशतीचं वातावरण होतं. शहरात दिवसाढवळ्या अशा घटनांमध्ये वाढ होत आहे. यामुळे संपूर्ण शहरात दहशतीचं वातावरण आहे.
दरम्यान, पोलीस प्रशासन आणि सरकारनं अशा पद्धतीचे हल्ले रोखण्यासाठी कठोर पावलं उचलली पाहिजेत, असं आवाहन नागरिकांनी केलं आहे. एका स्कूल बसवर अशापद्धतीचा जीवघेणा हल्ला होणं ही अत्यंत महत्वाची बाब आहे. एका किरकोळ गोष्टीवरुन काही दिवसांपूर्वी ड्रायव्हर लखविंदर सिंग याचं काही जणांसोबत भांडण झालं होतं. त्याच लोकांनी आज बसवर हल्ला केला. त्यांनी मला खाली उतरण्यास सांगितलं आणि बसवरच हल्ला केला, असा जबाब लखविंदरने पोलिसांना दिला आहे.
Crime School Bus Sword Attack on Road
Students Driver Punjab Barnala
