नाशिक – मुंबई नाका परिसरात दुकानदाराला लुटल्याची घटना
नाशिक – हनुमान मंदीराजवळ एका दुकानदाराल लुटल्याची घटना मुंबई नाका परिसरात घडली आहे. शुभम सुभाष भामरे उर्फ रिंकू (वय २४, सहवासनगर, कालिका मंदीरामागे मुंबई नाका) असे अटक केलेल्या संशयिताचे नाव आहे. माजीद सुफीयान खान हा युवक शुक्रवारी रात्री सव्वा दहाच्या सुमारास मुंबई नाका परिसरातील रुची हॉटेल परिसरातील हनुमान मंदीराजवळून दुकान बंद करुन त्याच्या दुचाकी (एमएच १५ जीएन ४५३३) घरी जात असतांना त्याला रस्त्तात अडवून त्याच्या दुचाकीची चावी काढून घेत, मारहाण करीत शिवीगाळ करीत त्याच्या खिशातील रक्कम काढून घेतली. मुंबई नाका पोलिस ठाण्यात गुन्हा दाखल झाला आहे.
चौघांनी केली मारहाण
नाशिक – भारतनगर परिसरातील नंदिनी नदीकिनारी मोकळ्या जागेवर बोलत असतांना चौघांनी मारहाण केली यात कयुम सुलेमान शेख (वय ४०, शिवाजीवाडी म्हाडा घरकूल योजना भारतनगर) हा जखमी आहे. याप्रकरणी शकील बिल्डर वडाळागाव, फजल कथडा आसेब सह्याद्री हॉस्पीटलजवळ, साजीद पठाण या चौघा संशयिताविरोधात मुंबई नाका पोलिस ठाण्यात गुन्हा दाखल झाला आहे. शुक्रवारी (दि.८) दुपारी साडे तीनला नंदिनीनगर भागात राजू उर्फ रियाज शेख याच्या सोबत बोलत असतांना चौघा संशयितांनी तेथे येऊन कयुम शेख या शिवीगाळ करीत बेदम मारहाण केली तसेच त्याच्या डोक्यात दगड मारुन जीवे मारण्याची धमकी दिली.
