नाशिकरोड (इंडिया दर्पण वृत्तसेवा) – मैत्रिणीसोबत तिच्या घरी आढळून आल्याने एका युवकाला त्याच्या मैत्रिणीसह दोघा भावांनी काठीने बेदम मारहाण करून जीवे ठार मारण्याची धमकी दिल्याचा प्रकार गुरुवारी रात्री दहा वाजता गीतगंगा सोसायटी, नारायण बापू नगर, जेलरोड येथे घडला. परेश दोंदे (वय ३०) रा. मॉडेल कॉलनी, जेलरोड या युवकाने उपनगर पोलीस ठाण्यात दिलेल्या फिर्यादीवरून पंकज दोंदे आणि प्रीतम दोंदे या संशयितांच्या विरोधात गुन्हा दाखल झाला आहे. परेश दोंदे हा मैत्रीण शिरीन शेख हिच्या गीतगंगा सोसायटी, नारायण बापू नगर येथील घरी असतांना दोघा संशयितांनी तिथे येत दोघांनाही लाथाबुक्क्यांनी मारहाण केली. पंकज याने हातातील काठीने परेशला कमरेवर आणि शिरीन शेख हिला डोक्यात मारहाण केली. शिरीन शेख हिस दुखापत झाली. पंकज आणि प्रीतम या दोघा भावांनी जीवे ठार मारण्याची धमकी दिली आणि घटनास्थळावरून पलायन केले. पोलीस हवालदार परदेशी या गुन्ह्याचा पुढील तपास करीत आहेत.
