नाशिक : आनंदवली येथे चौथ्या मजल्याच्या गॅलरीतून तोल जावून पडल्याने १६ वर्षीय युवकाचा मृत्यू झाल्याची घटना घडली आहे. देवा संजय वाजे (रा.ट्रॉफिकानो अपा.सिरीन मिडोज) असे मृत युवकाचे नाव आहे. वाजे हा गुरूवारी (दि.७) काळच्या सुमारास आपल्या घराच्या खिडकीच्या ओपन गॅलरीत उभा असतांना ही घटना घडली. अचानक तोल गेल्याने तो चौथ्या मजल्यावरून पडला होता. या घटनेत त्याच्या डोक्यास गंभीर इजा झाल्याने त्याचा जागीच मृत्यू झाला. याबाबत शेजारी कर्णिका शिंदे यांनी खबर दिल्याने गंगापूर पोलीस ठाण्यात मृत्यूची नोंद करण्यात आली आहे. देवा हा शासकिय अधिका-याचा एकुलता एक मुलगा असल्याचे सांगण्यात आले. अधिक तपास पोलीस नाईक बागुल करीत आहेत
