नाशिक : भारतनगर मार्गावर हात उसनवार घेतलेल्या पैश्यांच्या कारणातून एकास टोळक्याने बेदम मारहाण केल्याची घटना घडली. या घटनेत लोखंडी रॉड सदर व्यक्तीच्या डोक्यात मारण्यात आल्याने तो जखमी झाला असून याप्रकरणी चार जणांविरूध्द मुंबईनाका पोलीस ठाण्यात गुन्हा दाखल करण्यात आला आहे. त्यात दोन महिलांचा समावेश आहे. लंका दिपक उजागरे (३०),सुरेखा उर्फ सोनी विभुते (३०),तुषार राजाराम जाधव (१९) व दिपक दामू उजागरे (३५ रा.सर्व नासर्डी पुलाजवळ,गितेमळा) अशी संशयीतांची नावे असून याप्रकरणी राजू विठ्ठल म्हस्के (४१ रा.गिते मळा,मुंबईनाका) यांनी तक्रार दाखल केली आहे. म्हस्के बुधवारी (दि.६) आपल्या घराकडे पायी जात असतांना ही घटना घडली. संशयितांनी छान हॉटेलच्या पुढील भारत नगर कडे जाणाºया मार्गावर त्यास गाठून बेदम मारहाण केली. हात उसनवार दिलेल्या पैश्यांच्या वादातून संशयित टोळक्याने त्यास लाथाबुक्यांनी बेदम मारहाण केली. यावेळी दिपक उजागरे याने डोक्यात लोखंडी रॉड मारल्याने ते जखमी झाले असून अधिक तपास पोलीस नाईक पाटील करीत आहेत.
