नाशिक : भगूर येथील एका शेतातील विहीरीतून सबमर्सिबल मोटार व वायर चोरून नेल्याची घटना घडली आहे. या चोरी प्रकरणात पोलिसांनी एकाला अटक केली असून देवळाली कॅम्प पोलीस ठाण्यात चोरीचा गुन्हा दाखल करण्यात आला आहे. नामदेव राजाराम गिरवे (३२ रा.चारणवाडी,देवळाली कॅम्प) असे इलेक्ट्रीक मोटार चोरी करणा-या संशयिताचे नाव आहे. याप्रकरणी शोली रूस्तम ईरानी (६२ रा.सेरू व्हिला,भगूर) यांनी तक्रार दाखल केली होती. इरानी यांचा भगूर शिवारातील विजयनगर भागात शेत जमिन आहे. रविवारी (दि.३) रात्री अज्ञात चोरट्यांनी त्यांच्या शेतातील विहीरीतल इलेक्ट्रीक मोटार व वायर चोरून नेली होती. याप्रकरणी तक्रार दाखल होताच कॅम्प पोलीसांनी संशयितास हुडकून काढले असून अधिक तपास पोलीस नाईक जाधव करीत आहेत.
