नाशिक : स्वारबाबानगर भागात चोरी करतांना हटकल्याने एकावर पाठीमागून हल्ला करुन चोरट्याने सदर इसमाच्या पायावरून मोटारसायकलचे चाक नेल्याची घटना घडील आहे. यात एक जण जखमी झाला आहे. याप्रकरणी सातपूर पोलीस ठाण्यात गुन्हा दाखल करण्यात आला आहे. चंद्रेश शंकर विश्वकर्मा (रा.पाथर्डी फाटा) असे हल्ला करणा-या संशयिताचे नाव आहे. याप्रकरणी समाधान जयदेव जगताप (रा.स्वारबाबानगर,सातपूर) यांनी याप्रकरणी तक्रार दाखल केली आहे. संशयिताने सातपूर येथील अमरधाम भागातील टेलिफोनचा लोखंडी खांब तोडून चोरून नेला होता. शनिवारी पुन्हा त्याने या भागातील लोखंडी पोल चोरून नेण्याचा प्रयत्न केला असता, जगताप टोकल्याने ही घटना घडली. जगताप यांनी रंगेहात पकडून त्यास पोल चोरण्यास मनाई केल्याने संशयिताने त्याच रात्री रस्त्याने पायी जाणा-या जगताप यांना गाठून त्यांच्यावर पाठीमागून लाकडी दांडक्याने हल्ला केला. या घटनेत जगताप जमिनीवर कोसळताच संशयिताने आपली दुचाकी त्यांच्या पायावरून नेत गंभीर जखमी केले. अधिक तपास सहाय्यक निरीक्षक पठाण करीत आहेत.
