नाशिक : मालट्रकसह वेगवेगळया भागातून चोरट्यांनी दोन मोटारसायकली चोरून नेल्याच्या घटना घडल्या आहे. याप्रकरणी नाशिकरोड,गंगापूर आणि मुंबईनाका पोलीस ठाण्यात गुन्हे दाखल करण्यात आले आहेत. नसरूद्दीन अलीअसगर शेख (रा.आशियाना सोसा.जेएमसीटी कॉलेज समोर) यांची एमएच १५ एच के २२६९ मोटारसायकल ३० मार्च रोजी रात्री त्यांच्या सोसायटीच्या आवारातून चोरट्यांनी चोरून नेली. याप्रकरणी मुंबईनाका पोलीस ठाण्यात गुन्हा दाखल करण्यात आला असून अधिक तपास पोलीस नाईक मोहसीन शेख करीत आहेत.तर दुस-या घटनेत गंगापूररोड भागातील वर्षा मुकूंद करडखेडकर (रा.गौरव पुजा अपा.प्रमोदनगर) यांची प्लेझर एमएच १५ इ डब्ल्यू ७७६४ गेल्या २९ मार्च रोजी त्यांच्या सोसायटीच्या आवारात लावलेली असतांना चोरट्यांनी चोरून नेली. याप्रकरणी गंगापूर पोलीस ठाण्यात गुन्हा दाखल करण्यात आला असून अधिक तपास पोलीस नाईक सोळसे करीत आहेत. तर तिस-या घटनेत विहीतगाव येथील दीपक नामदेव संगमनेरे (रा.बागुलनगर) यांचा सुमारे साडे सहा लाख रूपये किमतीचा दहा चाकी मालट्रक एमएच १५ एए ४१४९ गेल्या ३० मार्च रोजी रात्री त्यांच्या घर परिसरातील सार्वजनिक शौचालय भागात पार्क केलेला असतांना चोरट्यांनी पळवून नेला. याप्रकरणी नाशिकरोड पोलीस ठाण्यात गुन्हा दाखल करण्यात आला असून अधिक तपास उपनिरीक्षक विंचू करीत आहेत.
नाशिक – वाहन चोरीचे प्रकार सुरुच; मालट्रकसह वेगवेगळया भागातून चोरट्यांनी दोन मोटारसायकली चोरल्या
