नाशिक – पेठ रोडवर युवतीच्या पाठीवर दुचाकीस्वाराने केले धारदार शस्त्राने वार
नाशिक – रस्त्याने पायी चाललेल्या युवतीच्या पाठीवर दुचाकीस्वाराने धारदार शस्त्राने वार करीत जखमी केल्याची घटना पेठ रोडला घडली. दुचाकीवरुन आलेल्या दोघा पैकी एकाने हा वार केला. पण, या दोघांही संशयितांची ओळख पटलेली नाही. पेठ रोड प्रादेशिक परिवहन विभागाच्या कार्यालया समोरील पेट्रोलपंपाजवळ मंगळवारी हा प्रकार घडला. याप्रकरणी रविना कैलास चव्हाण (वय २५,वैशालीनगर,पेठ रोड पंचवटी) या युवतीच्या तक्रारीवरुन दोघा अज्ञात दुचाकीस्वाराविरोधात पचवटी पोलीस ठाण्यात गुन्हा दाखल करण्यात आला आहे.
महिलेच्या गळ्यातील १२ ग्रॅमचे सोन्याचे मंगळसूत्र ओरबडून नेले
नाशिक – जॉगीग ट्रॅक जवळ दुचाकीवरुन आलेल्या भामट्यांनी महिलेच्या गळ्यातील १२ ग्रॅमचे सोन्याचे मंगळसूत्र ओरबडून नेले. कामठवाडे शिवारात वृंदावननगर भागात ही घटना मंगळवारी घडली. याप्रकरणी नंदा अरुण कोतवाल (वय ५४, अनुरंग बंगला, वृंदावननगर कामट वाडे) यांनी तक्रार दिली आहे. या तक्रारीवरुन अंबड पोलिस ठाण्यात गुन्हा दाखल करण्यात आला आहे. या तक्रारीत म्हटले आहे की, मंगळवारी रात्री सव्वा आठच्या सुमारास दुचाकीवरुन आलेल्या भामट्यांनी यांच्या गळ्यातील मंगळसूत्र लांबविले. या घटनेचा अधिक तपास फडोळ करीत आहेत.
