नाशिक : बावीस वर्षीय तरूणीने गळफास घेऊन आत्महत्या केल्याची घटना पेठरोडवरील ओमकारनगर भागात घडली आहे. यशश्री अर्जुन गायकवाड (रा.दत्तकृपा अपा.ओमकारनगर) असे आत्महत्या करणा-या तरुणीचे नाव आहे. सदर तरूणीच्या आत्महत्येचे कारण समजू शकले नाही. यशश्री गायकवाड हिने सोमवारी दुपारच्या सुमारास अज्ञात कारणातून आपल्या राहत्या घरी गळफास लावून घेत आत्महत्या करण्याचा प्रयत्न केला. ही बाब निदर्शनास येताच कुटूंबियांनी त्यास तात्काळ जिल्हा रूग्णालयात दाखल केले असता वैद्यकीय सुत्रांनी मृत घोषीत केले. याप्रकरणी म्हसरूळ पोलीस ठाण्यात मृत्यूची नोंद करण्यात आली आहे. अधिक तपास हवालदार चौधरी करीत आहेत.
