नाशिक – जेल रोड मार्गावर बिटको चौकात क्रेनच्या धडकेत एकाचा मृत्यु झाल्याची घटना घडली आहे. याप्रकरणी क्रेन चालकाविरोधात नाशिक रोड पोलिस ठाण्यात गुन्हा दाखल झाला आहे. मृताची ओळख पटलेली नाही. शुक्रवारी हा अपघात झाला होता. त्यानंतर अपघातात गंभीर जखमी झालेल्या व्यक्तीला रुग्णालयात उपचारासाठी दाखल करण्यात आले. पण, उपचारा दरम्यान त्याचे रविवारी दुपारी साडे तीनच्या सुमारास निधन झाले.
या अपघाता बाबत पोलिसांनी दिलेली माहीती अशी जेल रोडला बिटको चौकात रेमंड शो रुम समोर बिटको कडून जेल रोडला भरधाव चाललेल्या क्रेन (एमएच १५ एचक्यु ९०१९) ने रस्त्याने चाललेल्या व्यक्तीला जोराची धडक दिली. त्यात गंभीर जखमी झाला त्याला उपचाराला दाखल केले होते. पण, उपचारा दरम्यान त्याचे निधन झाले.
