नाशिक – घरफोडीत चोरट्यांनी २ लाख ६४ हजाराचा ऐवज केला लंपास
नाशिक – अशोकनगरला जाधव संकूल भागातील राधाई सोसायटीत घरफोडीत चोरट्यांनी २ लाख ६४ हजाराचा ऐवज लंपास केला. याप्रकरणी संजय बाळू रहाडे (वय ३८, राधाई सोसायटी, जाधव संकूल) यांच्या तक्रारीवरुन सातपूर पोलिस ठाण्यात गुन्हा दाखल झाला आहे पोलिसांनी दिलेली माहीती अशी रहाडेचे बंद घराचे रविवारी (दि.२०) रात्रीतून कधीतरी चोरट्यांनी संजय व त्यांच्या घऱावर राहणाऱ्या त्यांचा भाउ सदाशिव रहाड यांच्या दरवाजाची कडी उघडून घरात प्रवेश करीत कपाट उघडून घरातील ४० ग्रॅमचे सोन्याचे गंठण, १५ ग्रॅमचा सोन्याचा लक्ष्मी हार, १२ ग्रॅमचे सोन्याचे कर्णफूल,वेल ५ ग्रॅमची सोन्याची पोत २० भाराचे चांदीच्या तोळबंद्या पैज २० हजाराची रोकड असा पावने तीन लाखांचा ऐवज चोरट्यांनी चोरुला.
औषधाचे पार्सल घेऊन आलेल्या इसमास बेदम मारहाण
नाशिक – बजरंगवाडीत औषधाचे पार्सल घेऊन आलेल्या इसमास बेदम मारहाण केल्याची घटना घडली आहे. याप्रकरणी सचिन राजु हिवाळे (वय २१, साठेनगर वडाळागाव) यांच्या तक्रारीवरुन मुंबई नाका पोलिस ठाण्यात गुन्हा दाखल झाला आहे. पोलिसांनी दिलेली माहिती अशी तक्रारदार सचिन हिवाळे हा सोमवारी सायंकाळी साडे सातला बंजरंगवाडीत समृध्दी मेडीकल दुकानात औषधाचे पार्सल देऊन परत जातांना तेथे असलेल्या तिघा चौघांनी आमच्याकडे काय पहातो असे म्हणत वाद घालून शिवीगाळ घालून लाथाबुक्यांनी मारहाण करीत एकाने डोक्यात दगड मारुन जखमी केले. पोलीस उपनिरीक्षक बाळू गिते तपास करीत आहेत.
मेन रोडवर एकाला मारहाण
नाशिक – दारु पिण्याच्या पैशावरुन मेन रोडवर एकाला मारहाण केल्याची घटना घडली आहे. याप्रकरणी दिपिका संदीप शिंदे (वय २८, चंदनवाडी राहूलनगर अकोले जि.नगर) यांच्या तक्रारीवरुन संदीप पोटे याच्या विरोधात सरकारवाडा पोलिस ठाण्यात गुन्हा दाखल झाला आहे. मंगळवारी दुपारी साडे तीनच्या सुमारास मेन रोडला शिवशक्ती लॉज परिसरात किरण पगारे व संदीप पोटे हे शिवशक्ती लॉज भागात दारु पिऊन खाली आल्यानंतर त्याचा दारु पिण्याच्या पैशावरुन संदीप शिंदे याच्याशी वाद झाला त्यात, संदीप शिंदे याला मारहाण करण्यात आली.
