नाशिक – आडगाव मेडीकल कॉलेज चौफुलीवर वाहनाच्या धडकेत दुचाकीस्वाराचा मृत्यु
नाशिक -वाहनाच्या धडकेत दुचाकीस्वाराचा मृत्यु झाल्याची घटना घडली. आडगाव मेडीकल कॉलेज चौफुलीवर हा अपघात झाला.जिगर मोहनलाल सामानी (वय २९, नवकार हाईटस, भिडेनगर, पिंपळगाव बसवंत) असे अपघातात ठार झालेल्या दुचाकीस्वाराचे नाव आहे. गुरुवारी मार्चला सायंकाळी साडे सातच्या सुमारास मृत जिगर हा त्याच्या शाईन दुचाकीवरुन मुंबई आग्रा महामार्गावरुन नाशिककडून पिंपळगाव बसवंतला जात असतांना आडगाव मेडीकल चौफुलीवर उड्डाणपूलावरुन उतरत असतांना अज्ञात वाहनाच्या धडकेने दुचाकी एका वाहनावर जाऊन आदळली व त्यात युवकाचा मृत्यु झाला. याप्रकरणी आडगाव पोलिस ठाण्यात अज्ञात वाहनचालका विरोधात अपघाताची नोंद करण्यात आली आहे.
रोकडोबावाडीत दुचाकी जाळली
नाशिक – देवळाली गावातील रोकडोबा वाडीत समाजकंटकानी दुचाकी जाळून टाकली. याप्रकरणी खंडेराव विश्वनाथ अडांगळे (वय ३०, रोकडोबावाडी) यांनी तक्रारी केली आहे. या तक्रारीवरुन अज्ञात समाजकंटाकविरोधात उपनगर पोलिस ठाण्यात गुन्हा दाखल झाला आहे. अडांगळे यांनी त्यांची दुचाकी होंडा एक्सब्लेड ही त्यांच्या घराच्या ओट्यावर शुक्रवारी रात्री नेहमीप्रमाणे व्यवस्थित पार्क करुन ठेवली होती. शनिवारी सकाळी समाजकंटकांनी दुचाकी पेटवल्याचे उघडकीस आले. याप्रकरणी उपनगर पोलिस ठाण्यात गुन्हा दाखल झाला आहे.
