नाशिक : वडाळारोडवरील चिस्तीया कॉलनीत कुटुंबिय बाहेरगावी गेल्याची संधी साधत चोरट्यांनी घरफोडून सुमारे दोन लाखाचा ऐवज लंपास केला. तन्वीर अहमद तन्वीर हकीम खान (रा.महाराष्ट्र हेरीटेज अपा.चिस्तीया कॉलनी) यांनी याप्रकरणी तक्रार दाखल केली आहे. खान कुटूंबिय शनिवारी (दि.१२) धुळे येथे नातेवाईकांकडे गेले असता ही घटना घडली. अज्ञात चोरट्यांनी त्यांच्या बंद घराचे कुलूप तोडून बेडरूममधील कपाटातून १२ हजाराच्या रोकडसह सोन्याचांदीचे दागिणे असा सुमारे १ लाख ९५ हजार ५५० रूपये किमतीचा ऐवज चोरून नेला. याप्रकरणी मुंबईनाका पोलीस ठाण्यात गुन्हा दाखल करण्यात आला आहे. अधिक तपास उपनिरीक्षक श्रीवंत करीत आहेत.
