नाशिक : मखमलाबाद गावातील खंडेराव मंदिरा समोर भरधाव मालट्रकने दिलेल्या धडकेत दुचाकीस्वार ठार झाल्याची घटना घडली आहे. अरूण भगवान गवळी (५२ रा.खेडगाव ता.दिंडोरी) असे अपघातात ठार झालेल्या दुचाकीस्वाराचे नाव आहे. गवळी सोमवारी दुचाकीने मखमलाबादच्या दिशेने प्रवास करीत असतांना ही घटना घडली. खंडेराव मंदिर परिसरात पाठीमागून भरधाव आलेल्या मालट्रकने दुचाकीस धडक दिल्याने हा अपघात झाला. यात दुचाकीस्वार गवळी गंभीर जखमी झाल्याने त्यांचा मृत्यू झाला. याप्रकरणी गोरख गवळी यांनी दिलेल्या तक्रारीवरून ट्रकचालक दिलीप पंढरीनाथ रासे (रा.संताजीनगर,बजरंगवाडी) याच्याविरूध्द म्हसरूळ पोलीस ठाण्यात गुन्हा दाखल करण्यात आला आहे. अधिक तपास उपनिरीक्षक माळी करीत आहेत.
