नाशिक – कॉलेजरोड भागात मित्रांसमवेत जेवण आटोपून कारमध्ये बसत असतांना एकाने शिवीगाळ करीत तरूणीचा विनयभंग केला. याप्रकरणी गंगापूर पोलीस ठाण्यात गुन्हा दाखल करण्यात आला आहे. अभिमन्यू पराग सुर्यवंशी (रा.किशोर सुर्यवंशी मार्ग,आरटीओ मागे पंचवटी) असे संशयीताचे नाव आहे. पेठरोड भागातील पीडितेने याप्रकरणी तक्रार दाखल केली आहे. पीडिता शनिवारी (दि.१२) रात्री आपल्या मित्रासमवेत कॉलेजरोड भागातील लिकर ऑम्बेसी या हॉटेल मध्ये गेली होती. जेवण करून ती मित्रासमवेत कारमध्ये बसत असतांना ही घटना घडली. कारमध्ये बसत असतांना संशयीताने शिवीगाळ करीत तिचा हात पकडून विनयभंग केला. यावेळी संतप्त संशयीताने तिला हाताने चापट मारत तोंडावर थुंकून पोबारा केला. अधिक तपास हवालदार खुळात करीत आहेत.
नाशिक – मित्रांसमवेत जेवण आटोपून कारमध्ये बसत असतांना तरूणीचा विनयभंग; गुन्हा दाखल
