नाशिक – शिवशक्ती चौकातील मिनाताई झोपडपट्टी नाल्यालगत दहशत माजविण्यासाठी आरडाओरड करीत तलवार घेवून फिरणा-याला पोलीसांनी गजाआड केले आहे. याप्रकरणी अंबड पोलीस ठाण्यात गुन्हा दाखल करण्यात आला आहे. किशोर चंद्रभान अहिरे (३० रा.श्रीकृष्णनगर,कामटवाडा) पिंटू मांगू गायकवाड (३० रा.मिनाताई झोपडपट्टी) व कैलास बाबुराव साबळे (४० रा.त्रिमुर्ती चौक सिडको) अशी अटक करण्यात आलेल्या संशयीतांची नावे आहे. याप्रकरणी पोलीस कर्मचारी मुकेश गांगुर्डे यांनी तक्रार दाखल केली आहे. शनिवारी रात्री उपनिरीक्षक किरण शेवाळे व त्यांचे सहकारी शिवशक्ती चौकातील मिनाताई झोपडपट्टी भागात गस्त घालत असतांना नाल्यावरील नवीन पुलावर संशयीत आरडाओरड करीत असतांना मिळून आले. संशयीतांच्या अंगझडतीत किशोर अहिरे याच्या ताब्यात धारदार तलवार मिळून आली असून अधिक तपास पोलीस नाईक देशमुख करीत आहेत.
