नाशिक – जनावरे चोरट्यांचा उपद्रव वाढला, दोन गायींची चोरी

दोन गायींची चोरी
नाशिकः लॉकडाऊन काळात काही दिवसांपासून नाशिक शहर व परिसरात जनावरे चोरट्यांचा उपद्रव वाढला आहे. देवळाली कॅम्प परिसरातील नाणेगाव येथे चोरट्यांनी रविवारी (दि.३०) रात्री घोट्यातून ८० हजार रूपये किंमतीच्या दोन गायी पळवल्याची घटना घडली. याप्रकरणी प्रसाद विजय मुठाळ (३२, रा. नोणगाव दानवाडेरोड, ता. नाशिक) यांनी तक्रार दाखल केली आहे. त्यानुसार रविवारी मध्यरात्री मुठाळ यांच्या गोठ्यातून चौघा चोरट्यांनी दोन गायी एमएच १५ जीव्ही ६३४० या पिकअप वाहनातून चोरून नेल्या. याप्रकरणी देवळाली कॅम्प पोलीस ठाण्यात गुन्हा दाखल करण्यात आला आहे. अधिक तपास पोलीस नाईक वारघडे करत आहेत.

…..

मानसिक रूग्णाची आत्महत्या
नाशिकः घराजवळील विहिरीत उडी मारून एकाने आत्महत्या केल्याची घटना सोमवारी (दि.१) नवीन नाशिकच्या एकदंतनगर परिसरात घडली. आत्महत्या करणारी व्यक्ती मानसिक रूग्ण होती असे पोलीसांनी सांगीतले. सचिन शंकर दातीर (३४, रा. एकदंतनगर, बोरीचामुळा, नवीन नाशिक) असे आत्महत्या करणार्‍या व्यक्तीचे नाव आहे. ते मानसिक रूग्ण होते. सोमवारी रात्री सचिन दातीर हे अचानक घरातून बाहेर पडून घराला कडी लावली. व समोरील बाजुस पळत सुटले. नातेवाईकांनी रात्री शोध घेतला मात्र ते आढळून आले नाहीत. मंगळवारी सकाळी जवळील विहीरीमध्ये त्यांचा मृतदेह आढळून आला.