महिलेचा विनयभंग
नाशिकः घरात एकटी असल्याचा गैरफायदा घेत अश्‍लिल बोलत अंगलट करून एकाने महिलेचा विनयभंग केल्याची घटना नवीन नाशिकच्या अभियंतानगर परिसरात घडली. नवल हरदास राठोड (४७, रा. अभियंतानगर, नवीन नाशिक) असे संशयिताचे नाव आहे. याप्रकरणी पीडितेने दिलेल्या तक्रारीनुसार सोमवारी सायंकाळी पीडिता ही घरी एकटीच असल्याचा गैरफायदा घेत जवळ राहणारा संशयित हा घरात घुसला. त्याने अश्‍लिल बोलत अंगलट करून महिलेचा विनयभंग केला. याप्रकरणी अंबड पोलीस ठाण्यात विनयभंगाचा गुन्हा दाखल करण्यात आला आहे. अधिक तपास पोलीस हवालदार शेख करत आहेत.
…..
टोळक्याची दोघांना मारहाण
नाशिकः दहशत पसरवण्यासाठी सराईतांच्या पाच जणांच्या टोळक्याने दोघांना बेदम मारहाण केल्याची घटना नाशिकरोड रेल्वे स्टेशन परिसरात २४ मेला घडली. सनी भाटिया, अनिकेत जॉन केरला, सिद्धांत सचिन धनेधर, गणेश चव्हाण, मयुर शिंदे अशी मारहाण करणार्‍या संशयितांची नावे आहेत. याप्रकरणी प्रशांत अनिल गामणे (रा. शिवरामनगर, जेलरोड) याने तक्रार दाखल केली आहे. त्यानुसार गामणे व त्याचा मित्र प्रदिप बच्छिरे हे नाशिकरोड परिसरात पार्सल आणण्यासाठी गेले असताना संशयितांनी त्यांना आमची या भागात दहशत असल्याचे सांगत बेदम मारहाण केली. याप्रकरणी नाशिकरोड पोलीस ठाण्यात गुन्हा दाखल करण्यात आला आहे. अधिक तपास उपनिरिक्षक पी. डी. माळी करत आहेत.
