पंचवटीतील हिरावाडीत बेडरुममधील लॅपटॉप चोरुन नेल्याची घटना
नाशिक – चोरट्याने घरफोडी करीत बेडरुममधील लॅपटॉप चोरुन नेल्याची घटना पंचवटीतील हिरावाडीत घडली आहे. शंकर हिरा सूळ (वय ४१, त्र्यंबकनगर हिरावाडी) यांच्या तक्रारीवरुन पंचवटी पोलीस ठाण्यात गुन्हा दाखल झाला आहे. रविवारी रात्रीतून केव्हातरी शंकर सूळ यांच्या त्र्यंबकनगर मधील साईधाम रो हाउसच्या बंद घराचे कुलूप तोडून दरवाजा उघडून घरात प्रवेश करीत बेडरुममधील एचपी कंपनीचा लॅपटॉप, हेडफोन, ब्लु टुथ असे साहित्य चोरट्याने चोरुन नेले.
हद्दपार असलेल्या सराईताला अटक
नाशिक – ट्रॅक्टर हाउस भागात भद्रकाली पोलिसांनी हद्दपार असलेल्या सराईताला अटक केली. रोहीत गणेश राठोड (वय २०, शिवनेरी, टाकळी फाटा) असे सराईताचे नाव आहे. काल रविवारी (दि.६) सायंकाळी सव्वा सातच्या सुमारास शहरातून १० फेब्रूवारीला २ वर्षासाठी शहर जिल्ह्यातून हद्दपार केलेला रोहीत बेकायदेशीर फिरत असल्याची माहीती मिळाल्याने भद्रकाली पोलिसांनी त्याला ताब्यात घेतले त्याची झडती घेतली असता त्याच्याकडे लोखंडी कोयता मिळाला याप्रकरणी भद्रकाली पोलिस ठाण्यात गुन्हा दाखल झाला आहे.
