नाशिक – पंचवटी परिसरात रविवारी सायंकाळी दोन संशयितांनी एका युवकावर धारदार शस्रांनी हल्ला केल्याची घटना घडली. हिरावाडी जवळील पाटालगत या युवकांना हा हल्ला केला. या हल्ल्यात युवक गंभीर जखमी झाला आहे. त्याला सिव्हिल हॉस्पिटलमध्ये उपचारासाठी दखल करण्यात आले आहे. हल्ला करणारे दोघेही हल्लेखोर फरार झाले असून पोलिस त्यांचा शोध घेत आहे. हे हल्लेखोर गुन्हेगारी टोळीशी संबंधित असल्याचे परिसरातील नागरिकांनी सांगितले. गेल्या काही दिवसांपासून हिरावाडी परिसरात टवाळखोरांचा वावर वाढला आहे. त्यातून ही घटना घडल्याचे बोलले जात आहे. या टवाळखोरांचा बंदोबस्त करावा अशी मागणी नागरिकांनी केली आहे.
