नाशिक – शरणपूर रोडवरील रोहीणी सोसायटीत मेन्टेनन्स खर्च देत नसल्याने एकाला मारहाण
नाशिक – शरणपूर रोड वरील रोहीणी सोसायटीत मेन्टेनन्स खर्च देत नसल्याने एकाला मारहाण करण्यात आली आहे. निनाद अरविंद शाह याच्या तक्रारीवरुन शरणपूर रोड वरील रोहीणी सोसायटीतील विशाल पगारे यांच्यावर सरकारवाडा पोलीस ठाण्यात गुन्हा दाखल झाला आहे. बुधवारी (ता.२) रात्री साडे दहाच्या सुमारास या सोसायटीतील ऑफीसमध्ये येऊन विशाल पगारे यांनी शिवीगाळ व दमबाजी करीत मारहण करीत दम दिल्याचे शाह यांनी तक्रारीत म्हटले आहे.
जेल रोडला एकाचा मोबाईल हिसकावून नेला
नाशिक – जेल रोडला रोहीत गार्डन परिसरात मोबाईलवर बोलत असतांना भामट्यांनी एकाच्या हातातील मोबाईल हिसकावून नेला. बुधवारी (ता.२) सातला हा प्रकार घडला. याप्रकरणी अंबादास रामदास बाहेकर (वय ६६, शिवरामनगर, जेल रोड) यांच्या तक्रारीवरुन उपनगर पोलीस ठाण्यात गुन्हा दाखल झाला आहे पोलिसांनी दिलेली माहीती अशी अंबादास बाहेकर हे बुधवारी (ता.२) सातला जेल रोडला रोहीत गार्डन बिल्डींगजवळ घरी पायी जात असतांना दुचाकीवरुन आलेल्या भामट्यांनी त्यांच्या हातातील मोबाईल हिसकावून पळवून नेला.
