नाशिक – वाहन चोरीचे सत्र सुरुच; सफारीसह दोन दुचाकी वाहन चोरीस गेल्याच्या घटना
नाशिक – सफारीसह दोन दुचाकी वाहन चोरीस गेल्याच्या घटना शहरातील वेगवेगळ्या भागात घडल्या आहे. या चोरीप्रकरणी पोलीस ठाण्यात गुन्हे दाखल झाले आहे. राहूल शंकर नसरगंध (वय २७, अश्वमेधनगर मेरी) यांनी त्यांची दुचाकी हिरो प्लेझर (एमएच १५ एचई ६४२५) ही कॉलेज रोडला डिसोझा कॉलनीतील काठीयावाड शोरुम पार्किंगमध्ये लावली असतांना चोरट्याने दुचाकी चोरुन नेली. याप्रकरणी गंगापूर पोलीस ठाण्यात वाहन चोरीचा गुन्हा दाखल झाला आहे. दुसऱ्या घटनेत आतीष अरुण डोलारे (वय ४१, अभिनंदन हाईटस, म्हाडा बिल्डींग अनुसयानगर, पंचवटी) यांनी त्यांची दुचाकी सिडी डिलक्स (एमएच १५ इडी ३८४५) ही पंचवटीतील गणेशवाडी भागातील भाजीमार्केट परिसरात शौचालयाच्या बाजूला लावली असतांना चोरट्यांनी दुचाकी चोरुन नेली. याप्रकरणी पंचवटी पोलीस ठाण्यात गुन्हा दाखल झाला आहे.
टाटा सफारी चोरी प्रकरणी एकावर गुन्हा
नाशिक – टाटा सफारी वाहन चोरी प्रकरणी एकावर गुन्हा दाखल झाला आहे. सुधाकर राजाराम सोनवणे (वय ४०, सावरगाव ता.जिंतूर परभणी) असे संशयिताचे नाव आहे. नरहरी राजाराम सोनवणे (वय ४४, विशाखा कॉलनी, राजीवनगर) यांच्या तक्रारीवरुन इंदिरानगर पोलीस ठाण्यात गुन्हा दाखल झाला आहे. पोलीसांनी दिलेली माहीती अशी नरहरी सोनवणे यांनी त्यांची टाटा सफारी (एमएच १५ डी १४५५) तक्रारदार घरी नसतांना चोरुन नेल्याचे तक्रारीत म्हटले आहे. इंदिरानगर पोलीस ठाण्यात गुन्हा दाखल झाला आहे.
