नाशिक – गावठी कट्टा बाळकल्याप्रकरणी एकाला अटक
नाशिक – गावठी कट्टा बाळकल्याप्रकरणी एकाला मखमलाबाद शिवारातील पेठ बारी भागात अटक करण्यात आली आहे. सुधीर तानाजी काकड (वय २९, काकड मळा, तवली फाटा) असे संशयिताचे नाव आहे. बुधवारी (ता.२) साडे पाचच्या सुमारास मखमलाबाद शिवारात पेठ बारी भागात संशयिताला गावठी कट्यासह म्हसरुळ पोलिसांनी अटक केली. पोलीस शिपाई बलदेव शंकर राठोड यांच्या तक्रारीवरुन म्हसरुळ पोलीस ठाण्यात गुन्हा दाखल करण्यात आला आहे.
भद्रकालीत महिलेच्या गळ्यातील दागिणे
नाशिक – भद्रकालीत महिलेच्या गळ्यातील दागिणे भामट्यांनी काढून घेतल्याचा प्रकार समोर आला आहे. मथुरा किसन गायकवाड (वय ६०, हनुमान मंदीर पोलिस मुख्यालय) यांच्या तक्रारीवरुन भद्रकाली पोलिस ठाण्यात गुन्हा दाखल झाला आहे. बुधवार (ता.२) दुपारी दोनला भद्रकालीतील हॉस्पीटल येथे गेल्या असता दोघा भामट्यांनी त्यांच्याशी गोड बोलून किमतीची ४० हजाराची सोन्याच्या मण्यांची माळ चोरट्यांनी लांबविली. भद्रकाली पोलिस ठाण्यात गुन्हा दाखल आहे.
रिक्षाचालकांत मारामारी
नाशिक – म्हसरुळ शिवारात बोरगड भागात प्रवाशी घेण्यावरुन रिक्षाचालकांत मारामारी झाली. जीवण किशोर मरवट (वय २५, एकतानगर, बोरगड म्हसरुळ) यांच्या तक्रारीवरुन म्हसरुळ पोलीस ठाण्यात गुन्हा दाखल झाला आहे. दोन मार्चला बोरगड येथील ए.टी.पवार आश्रमशाळे जवळील रिक्षा स्टॅण्डवर तक्रारदार जीवण हा त्यांच्या रिक्षा (एमएच १५ एफयु २४७७) तेथील शंकर पवार या रिक्षाचालकाने प्रवाशी घेण्यासाठी माझा नंबर असतांना तू प्रवाशी का घेतले असे म्हणत वाद घालून हातातील कड्याने डोक्यात मारुन जखमी केले. याप्रकरणी म्हसरुळ पोलिस ठाण्यात गुन्हा दाखल झाला आहे.
