नाशिक : माडसांगवी जुना जकात नाका भागात स्पिडब्रेकरवर दुचाकीवरून पडल्याने ४० वर्षीय महिलेचा मृत्यु झाला.
ज्योती साहेबराव शेळके (४० रा.लक्ष्मणनगर,लोखंडे मळा जेलरोड) असे अपघातात ठार झालेल्या महिलेचे नाव आहे. शेळके या औरंगाबाद रोडकडून जेलरोडच्या दिशेने आपल्या दुचाकीवर प्रवास करीत असतांना हा अपघात झाला. माडसांगवी जुना जकात नाका भागातील महाराष्ट्र माझा हॉटेल समोरील स्पिडब्रेकरवर अचानक दुचाकी आदळल्याने त्या रस्त्यावर पडल्या होत्या. या घटनेत त्यांच्या डोक्यास वर्मी मार लागल्याने त्यांना तातडीने नांदूरगावातील समृध्दी हॉस्पिटल येथे प्रथमोपचार करून अधिक उपचारार्थ सोपान हॉस्पिटल येथे दाखल केले असता उपचार सुरू असतांना डॉ.अमित निकम यांनी त्यांना मृत घोषीत केले. याप्रकरणी आडगाव पोलीस ठाण्यात मृत्युची नोंद करण्यात आली आहे. अधिक तपास हवालदार गांगुर्डे करीत आहेत.
