नाशिक – कॅनडा कॉर्नर येथील रुग्णालयात गोंधळ घालणार्‍या ७ जणांवर गुन्हा दाखल

रूग्णालयात गोंधळ घालणार्‍यांवर गुन्हा
नाशिकः रूग्णावर योग्य प्रकारे उपचार न केल्याचा आरोप करत कॅनडा कॉर्नर येथील एका रूग्णालयात गोंधळ घालणार्‍या रूग्णाच्या ७ नातेवाईकांवर महाराष्ट्र वैद्यकीय सेवा, व्यक्ती, संस्था अधिनियमानुसार गुन्हा दाखल करण्यात आला आहे. निलेश नाईक, निखिल नाईक व इतर ५ नातेवाईक (पुर्ण नावे, पत्ता नाही) अशी गुन्हा दाखल झालेल्या संशयितांची नावे आहेत. याप्रकरणी डॉ. कविता कुणाल दराडे (रा. विंचुर येवला) यांनी तक्रार दाखल केली आहे. त्यांच्या कॅनडा कॉर्नर येथील पॅनोसिया रूग्णालयात दाखल करण्यात आलेली रूग्ण प्रियंका हिच्यावर योग्य उपचार न केल्याचा आरोप करत संशयितांनी रूग्णायात गोंधळ घालत डॉक्टर तसेच कर्मचार्‍यांना शिवीगाळ केली. तसेच कामात अडथळा आणला. याप्रकरणी सरकारवाडा पोलीस ठाण्यात गुन्हा दाखल करण्यात आला आहे.

…..

मुलीचा विनयभंग
नाशिकः १५ वर्षीय मुलीच्या घरात घुसून ४२ वर्षीय व्यक्तीने तीचा विनयभंग केल्याची घटना बुधवारी (दि.२६) जेलरोड परिसरात घडली. याप्रकरणी संशयितांवर पोस्को अंतर्गत गुन्हा दाखल करण्यात आला आहे. अनिल साहेबराव पठारे (४२, रा. जयंनगर, निकिता हौसिंग सोसायटी, जेलरोड) असे गुन्हा दाख झालेल्या संशयिताचे नाव आहे. पीडित मुलीने दिलेल्या तक्ररीनुसार बुधवारी संशयित पठारे हा मुलीच्या बेडरूममध्ये घुसला तीचा हात धरून त्याने तीचा विनयभंग केला. याप्रकरणी नाशिकारोड पोलीस ठाण्यात बालकांचे लैंगिक अत्याचारापासून संरक्ष कायदा (पोस्को)नुसार गुन्हा दाखल करण्यात आला आहे. अधिक तपास उपनिरिक्षक पी. डी. माळी करत आहेत.