नाशिक – कारखान्याचे गोडाऊन फोडून चोरट्यांनी पावडर कोटींग स्प्रे मशिन आणि गॅस सिलेंडर चोरून नेले
नाशिक :नाशिक – पुणे मार्गावरील शिंदे औद्योगीक वसाहतीत असलेल्या कारखान्याचे गोडाऊन फोडून चोरट्यांनी पावडर कोटींग स्प्रे मशिन आणि गॅस सिलेंडर चोरून नेल्याची घटना घडली. याप्रकरणी नाशिक रोड पोलीस ठाण्यात घरफोडीचा गुन्हा दाखल करण्यात आला आहे. विशाल विजयकुमार राजपुत (३३ रा.गजानन सोसा.खार्जुल मळा) यांनी तक्रार दाखल केली आहे. राजपूत यांचे शिंदे एमआयडीसीत डीझाईल लॅब नावाची कंपनी आहे. गेल्या बुधवारी (दि.९) रात्री कंपनी बंद असतांना अज्ञात चोरट्यांनी गोडावूनचे कुलूप तोडून पावडर कोटींग स्प्रे मशिन आणि गॅस सिलेंडर असा सुमारे ४४ हजार रूपयांचा ऐवज चोरून नेला. अधिक तपास पोलीस नाईक घेगडमल करीत आहेत.
अ‍ॅटोरिक्षासह दोन मोटारसायकली चोरीला
नाशिक : शहरात पार्क केलेली अ‍ॅटोरिक्षासह दोन मोटारसायकली चोरट्यांनी वेगवेगळय़ा भागातून चोरून नेल्याच्या घटना घडल्या आहे. याप्रकरणी पंचवटी आणि उपनगर पोलीस ठाण्यात गुन्हे दाखल करण्यात आले आहेत. इंदिरानगर येथील कैलास मारूती वारे (रा.बजरंग सोसा.) हे रिक्षाचालक सोमवारी (दि.१४) रात्री प्रवाश्यांना सोडण्यासाठी पंचवटी भागात गेले होते. रामसेतू पुलाजवळील मारूती मंदिर भागात असलेल्या अजय भोजनालय नजीक ते सार्वजनिक शौचालयात गेले असता रस्त्यावर उभी केलेली त्यांची अ‍ॅटोरिक्षा एमएच १५ ईएच ११०६ चोरट्यांनी चोरून नेली. दुसरी घटना निमाणी बसस्थानकात घडली. मयुर सुरेश चौधरी (रा.सुखदेव नगर,पाथर्डीगाव) यांची शाईन मोटारसायकल एमएच १५ एफके ३५६९ गेल्या शनिवारी (दि.१२) दुपारच्या सुमारास बस थांबा परिसरातील किराणा दुकानासमोर पार्क केली असता चोरट्यांनी पळवून नेली. दोन्ही घटनांप्रकरणी पंचवटी पोलीस ठाण्यात वेगवेगळे गुन्हे दाखल करण्यात आले असून अधिक तपास पोलीस नाईक वाघमारे व गावित करीत आहेत. तर भिमानंद किसन शेजवळ (रा.नेहापार्क,शिखरेवाडी) यांची अ‍ॅक्सेस दुचाकी एमएच १५ एफपी ६०३० मंगळवारी (दि.१५) नजीकच्या रजनी पार्क सोसायटीच्या पार्किंगमध्ये लावलेली असतांना चोरट्यांनी चोरून नेली. याप्रकरणी उपनगर पोलीस ठाण्यात गुन्हा दाखल करण्यात आला असून अधिक तपास जमादार गांगुर्डे करीत आहेत.
