नाशिक : चारित्र्याच्या संशयावरून पत्नीस आत्महत्येस प्रवृत्त केल्याप्रकरणी पतीस अटक करण्यात आली आहे. याप्रकरणी मृत महिलेच्या बहिणीने तक्रार दिल्यानंतर इंदिरानगर पोलीस ठाण्यात गुन्हा दाखल करण्यात आला आहे. रूपेश केशव प्रधान (३० रा.बापू बंगला,वासननगर) असे अटक करण्यात आलेल्या संशयीताचे नाव आहे. याप्रकरणी अनिता पाटील (रा.छोटी उमरी,जि.अकोला) यांनी तक्रार दाखल केली आहे. प्रधान दांम्पत्य बापू बंगल्याच्या सुरक्षारक्षक रूममध्ये वास्तव्यास आहे. सोमवारी (दि.७) शिल्पा प्रधान या विवाहीतेने अज्ञात कारणातून आपल्या राहत्या घरात झोळीच्या दोरीच्या सहाय्याने गळफास लावून घेतला होता. त्यात त्यांचा मृत्यु झाला. मृत विवाहीतेच्या बहिण पाटील यांनी दिलेल्या तक्रारीनुसार शिल्पा यांना पती रूपेश हा चारित्र्याचा संशय घेवून शारिरीक व मानसिक छळ करीत होता. त्यातूनच त्यांनी आत्महत्या केल्याचा आरोप करण्यात आला असून इंदिरानगर पोलीसांनी संशयीतास अटक केली आहे. अधिक तपास उपनिरीक्षक उघडे करीत आहेत.
नाशिक : चारित्र्याच्या संशयावरून पत्नीस आत्महत्येस प्रवृत्त केल्याप्रकरणी पतीस अटक
