लग्नाचे आमिष दाखवून जबरदस्तीने शरीरसंबध ठेऊन, जीवे मारण्याची धमकी देणा-यांला पोलिसांनी केले गजाआड
नाशिक – व्हॉट्सअ‍ॅपवर अश्‍लील चॅट करून जबरदस्तीने शरीरसंबंध ठेवणे, महिलेचा विरोध असतानाही अनैसर्गिक संबंध ठेवून लैंगिक छळ करणे, तीन वेळा जबरदस्तीने गर्भपात करून तिला व तिच्या कुटुंबीयांना जिवे ठार मारण्याच्या धमक्या देणा-या विरुध्द मुंबई नाका पोलिस स्थानकात गुन्हा दाखल केला. आहे. पीडित महिलेच्या फिर्यादीवरुन पोलिसांनी ही कारवाई करुन गणेश भोसले या संशयीताला गजाआड केले आहे. ३० वर्षीय पीडित महिलेने ही तक्रार दिली असून त्यात म्हटले आहे की, लग्नाचे आमिष दाखवून गणेश भोसले याने १२ सप्टेंबर २०१२ ते २१ जानेवारी वेळोवेळी अत्याचार वेगवेगळ्या ठिकाणी केले. त्याचप्रमाणे दारू पाजून न्यूड फोटो व व्हिडिओ काढून ते नातेवाईकांना सोशल मिडियावर व्हायरल करण्याच्या धमक्या दिल्या. या सर्व प्रकरणाचा पुढील तपास पोलीस उपनिरीक्षक श्रीवंत करीत आहेत.
सोन्याची पोत ओरबडली
नाशिक – नाशिक औरंगाबाद रोडवर असलेल्या माडसांगवी परिसरात एका महिलेची ६३ हजार रुपये किंमतीची २१ ग्रम वजनाची सोन्याची पोत चोरट्यांनी ओरबडून नेली. ही घटना दुपारी सव्वाबारा वाजेच्या सुमारास झाली. काळ्या रंगाच्या पल्सर मोटारसायकलवरून आलेल्या दोघा भामट्यांनी ही पोत ओरबडली. यावेळी महिलेने जोरदार प्रतिकार केला. त्यामुळे चोरट्यांची हाती अर्धी पोतच लागली. पण, हे चोरटे पसार झाले. माडसांगवी येथे किराणा दुकानात सामान घेण्यासाठी ही महिला जात असतांना ही घटना घडली.
