खिडकीतून सोन्याची चेन. मोबाईल लंपास
नाशिक – घराच्या उघड्या खिडकीतून हात घालत चोरट्याने ४२ हजाराची सोन्याची चेन व ५ हजाराचा मोबाईल असा ४७ हजाराचा ऐवज लंपास केल्याची घटना सोमवारी (दि.२४) म्हसरूळ परिसरात घडली.याप्रकरणी ज्योती भुषण गोसावी (रा. केतकीनगर, म्हसरूळ) यांनी तक्रार दाखल केली आहे. त्यानुसार सोमवारी मध्यरात्री गोसावी कुटुंबिय झोपलेले असताना अज्ञात चोरट्याने उघड्या खिडकीतून हात आत घालून जवळील सोन्याची चेन व मोबाईन चोरुन नेला. याप्रकरणी म्हसरूळ पोलीस ठाण्यात गुन्हा दाखल करण्यात आला आहे. अधिक तपास उपनिरिक्षक पवार करत आहेत.
….
टोळक्याची कुटुंबियांना मारहाण
नाशिक – पोलीसात तक्रार दिल्याच्या कारणावरून चौघांच्या टोळक्याने एकास बेदम मारहाण केल्याची घटना सोमवारी रात्री गंजमाळ परिसरात घडली. यामध्ये दोन महिलांचा सामावेश आहे. अनिल बेंद्रे, राधा शर्मा, सपना बेंद्रे, रा. सर्व पंचशीलनगर, गंजमाळ ही संशयितांची नाव आहेत. याप्रकरणी इरफान मेहबुब शेख (४९, रा. गंजमाळ, भद्रकाली) यांनी तक्रार दाखल केली आहे. त्यानुसार संशयितांविरोधात पोलीस ठाण्यात तक्रार दाखल केल्याच्या कारणावरून चिडून सर्वांनी शेख यांना बेदम मारहाण केली. याप्रकरणी भद्रकाली पोलीस ठाण्यात गुन्हा दाखल करण्यात आला आहे.
