नाशिक – गंजमाळ परिसरात जीवे मारण्याचा प्रयत्न १० जणांवर गुन्हा

जीवे मारण्याचा प्रयत्न १० जणांवर गुन्हा
नाशिकः जुन्या भांडणाच्या कारणातून १० जणांच्या टोळक्याने दोघा भावांवर चॉपरने वार करून गंभीर जखमी केल्याची घटना रविवारी (दि.२३) रात्री गंजमाळ परिसरात घडली. या प्रकरणी दहा जणांवर जीवे ठार मारण्याचा प्रत्यन केल्या प्रकरणी गुन्हा दाखल करण्यात आला आहे. नितीन हिवाळे, संदिप दाढेकर, सचिन गायकवाड, गणेश मोरे, आझाद पाथरे, अनुराग सहेजराव, रोहित डोके व त्यांचे तीन साथीदार अशी गुन्हे दाखल झालेल्या संशयितांची नावे आहेत. याप्रकरणी रईस कुरशिद शेख (४२, रा. गंजमाळ, भद्रकाली) यांनी तक्रार दाखल केली आहे. त्यानुसार सोमवारी रात्री साडेनऊच्या सुमारास संशयित शेख यांच्या दरात येऊन जुन्या भांडणाची कुरापत काढून शेख व त्यांच्या भावास बेदम मारहाण सुरू केली. यात दोघांनी चाकू काढून दोघा भावांवर जीवघेणा हल्ला केला. याप्रकरणी भद्रकाली पोलीस ठाण्यात गुन्हा दाखल करण्यात आला आहे. अधिक तपास उपनिरिक्षक माळी करत आहेत.

….

सोनसाखळी हिसकावली
नाशिकः कोरोनाचे निर्बंध शिथील होताच सोनसाखळी चोरटे पुन्हा कार्यान्वीत झाले असून तपोवन चौफुली येथे एका महिलेच्या गळ्यातील सोनसाखळी दुचाकीवरून आलेल्या भामट्यांनी हिसकावल्याची घटना सोमवारी (दि.२४) दुपारी घडली. याप्रकरणी विजया श्रीधर पाटील (७२, रा. जेजुरकर गल्ली, काठेगल्ली) यांनी तक्रार दाखल केली आहे. त्यानुसार पाटील या भाजीपाला खरेदी करून घराकडे पायी येत असताना तपोवन चौफुली येथे समोरून दुचाकीवरून आलेल्या दोघांनी त्यांच्या गळ्यातील १ लाख २० हजार रूपये किंमतीची ३० ग्रॅम वजनाची सोनसाखळी हिसकावून पळ काढला. याप्रकरणी भद्रकाली पोलीस ठाण्यात गुन्हा दाखल करण्यात आला आहे. अधिक तपास उपनिरिक्षक राऊत करत आहेत.