नाशिक – नायलॉन मांजाची निर्मिती, विक्री, साठवणूक किंवा वापर करताना आढळल्यास थेट तडीपारीची कारवाई करण्यात येईल असा इशारा नाशिक पोलीस उपायुक्त अमोल तांबे यांनी दिला आहे. या नियमांचे कोणी उल्लंघन केले तर संबंधितांना थेट चार महिने ते एक वर्षांपर्यंत शिक्षा देखील होऊ शकते. त्याचप्रमाणे मांजामुळे कुणाच्या जीवितास धोका निर्माण झाला तर दोषींवर थेट तडीपारीची कारवाई केली जाईल असेही ते म्हणाले. ४ जानेवारी ते ३० जानेवारी या कालावधीत नायलॉन मांजाची निर्मिती, विक्री, पूरवठा, साठवणूक आणि वापर करण्यावर बंदी घालण्याचे आदेश देण्यात आल्याची माहिती त्यांनी दिली. पंतगबाजीच्या स्पर्धेत नायलॉन मांजाचा मोठ्या प्रमाणावर वापर केला जातो. त्यामुळे पतंगप्रेमींबरोबरच इतरांनाही रस्‍त्यावर चालतानाही जीव मुठीत घेऊन फिरावे लागते. या नायलॅान मांजामुळे अनेक पक्षी, प्राणी जखमी होतात, तर काही मृत्यूमुखी पडतात. त्यामुळे पोलिसांनी हा इशारा दिला असून कारवाईचे संकेत दिले आहे.
नाशिक – नायलॉन मांजाची निर्मिती, विक्री, साठवणूक किंवा वापर करताना आढळल्यास थेट तडीपारीची कारवाई
प्रातिनिधिक फोटो
