नाशिक : भरधाव चारचाकीने दिलेल्या धडकेत परप्रांतीय दुचाकीस्वार ठार झाला. हा अपघात त्र्यंबकरोडवरील श्रीराम चौकात झाला. याप्रकरणी सातपूर पोलीस ठाण्यात चारचाकी चालकाविरोधात अपघाताचा गुन्हा दाखल करण्यात आला आहे. सतिश छोटेलाल साह (२६ मुळ रा. बिहार,हल्ली मावळे चाळ स्वारबाबानगर) असे अपघातात ठार झालेल्या दुचाकीस्वाराचे नाव आहे. साह गेल्या ३० डिसेंबर रोजी त्र्यंबकरोडवरील श्रीराम चौकातून आपल्या दुचाकीवर एमएच १५ बीआर ४१६४ प्रवास करीत असतांना हा अपघात झाला होता. श्रीराम चौक भागात पाठीमागून भरधाव आलेल्या एमएच १५ एए ६८७६ या चारचाकी वाहनाने दुचाकीस जोरदार धडक दिली. या अपघातात साह गंभीर जखमी झाला होता. त्यास तात्काळ जिल्हारूग्णालयात दाखल केले असता उपचार सुरू असतांना त्याचा मृत्यु झाला. याप्रकरणी पत्नी प्रियंकादेवी साह यांनी दिलेल्या तक्रारीवरून गुह्याची नोंद करण्यात आली असून अधिक तपास जमादार सय्यद करीत आहेत.
त्र्यंबकरोडवरील श्रीराम चौकात भरधाव चारचाकीने दिलेल्या धडकेत दुचाकीस्वार ठार
