नाशिक – सातपूरला स्वारबाबानगर भागात काल चारचाकीच्या धडकेत दुचाकीस्वाराचा मृत्यु झाला. सतीश छोटेलाल सहा (वय २६, स्वारबाबानगर) असे मृत युवकाचे नाव आहे. शुक्रवारी (दि.३१) साडे सहाच्या सुमारास मृत सतीश सहा त्याच्या दुचाकीवर सातपूरहून पपया नर्सरीपासून जात असतांना सातपूर कॉलनीत वाईन्स शॉप जवळ अज्ञात चारचाकीच्या धडक दिल्याने तो गंभीर जखमी झाला. डोक्याला व पायाला मार लागल्याने त्याला उपचारासाठी जिल्हा रुग्णालयात दाखल केले असता डॉ. भुसारे यांनी मृत घोषीत केले. सातपूर पोलिस ठाण्यात याप्रकरणी नोंद करण्यात आली आहे.
