नाशिक – ब्ल्यू व्हेल गेम खेळत असतांना अठरा वर्षीय तुषार जाधव या तरुणाने दोन्ही मनगटांच्या नसा कापून घेत आपला जीवनप्रवास संपविल्याची धक्कादायक घटना घडली. नाशिक रोडमधील गायकवाड मळ्यात तुषार एकटा घरी असतांना त्याने हे टोकाचे पाऊल उचलले आहे. तुषार गेल्या काही दिवसापासून मोबाइलवर ऑनलाइन ब्ल्यू व्हेल नावाचा खेळत होता. बुधवारी तो घरी एकटा असताना हा गेम खेळण्यास सुरुवात केली. हा गेम खेळत असतांना तुषारने आपल्या दोन्ही मनगटांवर धारधार वस्तूने जखमा केल्या. त्यानंतर फिनाइलचे सेवन करत गळफास घेऊन आत्महत्या केली. ही घटना त्याचे पालक घरी आल्यानंतर समोर आली. मुक्तीधाम शेजारी असलेल्या गायकवाड मळा येथे वाळुजी संकुलमध्ये प्रमोद जाधव हे कुटुंबीयांसह वास्तव्यास आहे.
