नाशिक – सप्तश्रृंगी आयुर्वेद महाविद्यालयाच्या होस्टेलमध्ये विद्यार्थीनीने केली आत्महत्या
नाशिक – पंचवटीतील हिरावाडी भागातील श्री सप्तश्रृंगी आयुर्वेद महाविद्यालयाच्या होस्टेलमध्ये विद्यार्थीनीने आत्महत्या केली. श्रृती सुरेश सानप (वय २२) असे आत्महत्या केलेल्या विद्यार्थिनीचे नाव आहे. पोलिसांनी दिलेली माहीती अशी गुरुवारी पावणे दोनच्या सुमारास होस्टेलमधील रुम क्रमांक १०६ मध्ये श्रृती सानप हीने रुममध्ये सिलींग पंख्याला गळफास घेऊन आत्महत्या केली. पंचवटी पोलिस ठाण्यात मृत्यूची नोंद करण्यात आली आहे.
उड्डाणपूलाखाली पार्क केलेली दुचाकी चोरीला
नाशिक – अंबडला गरवारे पॉईट परिसरात उड्डाणपूलाखाली चोरट्याने दुचाकी चोरुन नेली. पोलिसांनी दिलेली माहीती अशी राहूल विष्णु पगारे(वय ६२, सागर व्हिलेज धात्रक फाटा आडगाव) यांनी त्यांची दुचाकी (एमएच१५ ईके ६०८८) ही गरवारे कंपनी समोरील टी पॉईट परिसरात उड्डाणपूलाखाली त्यांची लावली असता काल गुरुवारी (दि.३०) आठच्या सुमारास चोरट्याने त्यांची दुचाकी चोरुन नेल्याचे लक्षात आले. याप्रकरणी अंबड पोलिस ठाण्यात गुन्हा दाखल करणयात आला आहे.
नाशिक – रेल्वेच्या धडकेत एकाचा मृत्यु
नाशिक – जेल रोडला पवारवाडी भागात रेल्वेच्या धक्याने एकाचा मृत्यु झाला आहे. गुरुवारी (ता.३०) सकाळी पावणे दहाच्या सुमारास मध्य रेल्वेच्या मार्गावर किलोमीटर १९० च्या डाऊन ७०.१९ येथे रेल्वेच्या धडकेत हा अपघात झाला. उपस्टेशन प्रबंधक आशीष नागदेव यांनी नाशिक रोड पोलिसांना या अपघाताची माहिती दिली. अपघातात मृत्यू पावलेल्या व्यक्तीची ओळख पटलेली नाही निळी जीन्स पॅन्ट, पिवळा चौकटी शर्ट आहे. साधारण पावणे सहा फुट उंची असून कुणाला माहीती असल्यास नाशिक रोड पोलिसांशी संर्पक साधावा असे आवाहन पोलिस अंमलदार एम.डी.चव्हाण यांनी केले आहे.
