पाणीपुरीवाल्याला त्रास देणाऱ्यांना हटकले; चौघांकडून एकाला बेदम मारहाण
नाशिक – पाणीपुरीवाल्याला त्रास देणाऱ्यांना हटकले म्हणून उपनगरला चौघांनी एकाला बेदम मारहाण केली. दत्ता हेरोडे, धर्मा हेरोडे, अण्‍णारामभाउ जाधव आणि लक्ष्मण गंगाराम जाधव (आम्रपालीनगर झोपडपट्टी) अशी संशयितांची नावे आहेत. बुधवारी (ता.२९) संशयित उपनगरला पाणीपुरीवाल्याला त्रास देत असल्याने तक्रारदार आकाश राजू आठवले यांनी चौघांना हटकले व पाणीपुरीवाल्याला त्रास का देतात अशी विचारणा केली याचा राग आल्याने चौघांनी शिवीगाळ करीत लाथा बुक्याने मारहाण करीत त्यातील एकाने बियरच्या बाटलीने मारहाण केली.
पानटपरीवर उभ्या असलेल्या एकाला बेदम मारहाण
नाशिक – तु आमच्याकडे का पाहतो असे विचारत चौघांनी अंबड लिंक रोडवर पानटपरीवर उभ्या असलेल्या एकाला बेदम मारहाण केली. राहूल आरोटे, पवन राजपूत उर्फ जाधव, भूषण पाटील व इतर एक अशी संशयितांची नावे आहेत. याप्रकरणी समाधान अशोक बोकड (वय २५, तिरडशेत पिंपळगाव बहुला) याच्या तक्रारीवरुन चौघां विरोधात अंबड पोलिस ठाण्यात गुन्हा दाखल झाला आहे. पोलिसांनी दिलेली माहीती अशी तक्रारदार समाधान व त्याचा भाऊ उत्तममुंजे हे मंगळवारी (ता.२८) नऊच्या सुमारास अंबड लिंक रोड वरील आर.पी.स्वीट जवळील पानटपरीवर काम मिळते का याचा शोध घेऊन पानटपरीवर सिगारेट ओढत बसले असतांना तेथे उभ्या असलेल्या संशयितांनी आमच्याकडे काय पाहतो तू इथे काय करतो अशी कुरापत काढून शिवीगाळ करीत, धारदार हत्याराने वार करीत गंभीर जखमी केले.
