नाशिकरोडला आनंदनगर भागात महिलेच्या गळ्यातील अडीच तोळ्याचे मंगळसूत्र ओरबडले

नाशिक – नाशिकरोडला आनंदनगर भागात महिलेच्या गळ्यातील अडीच तोळ्याचे मंगळसूत्र भामट्यांनी ओरबडून नेले. अलका अशोक जाधव (वय ६३, शिवनेरी अव्हेन्यु प्लॅट, आनंदनगर उपनगर) यांच्या तक्रारीवरुन उपनगर पोलिस ठाण्यात गुन्हा दाखल झाला आहे.या घटनेबाबत पोलिसांनी दिलेली माहीती अशी की, बुधवारी (२९) सायंकाळी सव्वा सहाच्या सुमारास अलका जाधव या त्यांच्या आनंदनगर येथील अक्षरधारा बिल्डींग परिसरातील सिंधू बंगल्यासमोरून चालल्या असतांना काळ्या रंगाच्या दुचाकीवरुन आलेल्या दोघा भामट्यांपैकी पाठीमागे बसलेल्या भामट्याने त्यांच्या गळ्यातील २५ ग्रॅमचे सोन्याचे मंगळसूत्र, दोन वाट्या आणि चार मणी अशी पोत ओरबडून नेली.
.