नाशिक – हॉटेलसमोर नाश्ता करण्यासाठी खुर्चीवर बसलेला असतांना एकाचा चक्कर येऊन मृत्यु
नाशिक – हॉटेलसमोर नाश्ता करण्यासाठी खुर्चीवर बसलेला असतांना एकाचा मृत्यु झाला. पुरुषोत्तम रामजी पटेल (वय ५८, चामुंडा निवास, बजरंग सोसायटी इंदिरानगर) असे मृत व्यक्तीचे नाव आहे. काल रविवारी (ता.१९) जिल्हा रुग्णालयाच्या परिसरात साडे नऊच्या सुमारास जयंत समोसा या हॉटेलसमोर खुर्चीवर बसलेला असतांना अचानक त्याच्या छातीत दुखून चक्कर येऊन बेशुध्द झाला. त्याला उपचारासाठी दाखल केले असतांना डॉ. पाटील यांनी तपासून मृत घोषीत केले. याप्रकरणी अंबड पोलिस ठाण्यात नोंद करण्यात आली आहे.
पंख्याला गळफास आत्महत्या
नाशिक – पंचवटीतील तारवालानगर परिसरात राहत्या घरी पंख्याला गळफास घेउन एकाने आत्महत्या केल्याचा प्रकार उघडकीस आला. राहूल पोपट डोलनर (वय २४, अमृतधाम) असे आत्महत्या केलेल्या युवकाचे नाव आहे. रविवारी (ता.१९) एकच्या सुमारास तारवालानगर भागातील आनंदवन अपार्टमेंट परिसरात युवकाने घरातील बेडरुममधील पंख्याच्या हुकाला साडी बांधून गळफास घेउन आत्महत्या प्रकार उघडकीस आला. पंचवटी पोलिस ठाण्यात अकस्मात मृत्युची नोंद करण्यात आली.
….
