सोशल मीडियावर धार्मिक तेढ निर्माण करण्याला पोलीसांनी केली अटक
नाशिक : सोशल मीडियावर धार्मिक तेढ निर्माण करण्याचा प्रयत्न करणा-या एकास पोलीसानी अटक केली. संशयीताने थोर पुरूषांबाबत स्टेटसवर अपशब्द वापरून भावना दुखावण्याचा प्रयत्न केला. याप्रकरणी देवळाली कॅम्प पोलीस ठाण्यात गुन्हा दाखल करण्यात आला आहे. सुर्यप्रतापसिंग जयवंतसिंग सोलंकी (२५ रा.देवळाली कॅम्प) असे अटक करण्यात आलेल्या संशयीताचे नाव आहे. याप्रकरणी रविंद्र गायकवाड (रा.शिंगवे बहुला) यांनी तक्रार दाखल केली आहे. गेल्या शुक्रवारी (दि.२६) संशयीताने आपल्या मोबाईलवरील स्टेटसवर थोरपुरूषांच्या विषयी अपशब्द वापरले होते. थोर पुरूषांचा अपमान करून विशिष्ट समाजाच्या भावना भडकविण्याचा प्रयत्न केल्याप्रकरणी हा गुन्हा दाखल करण्यात आला आहे. अधिक तपास सहाय्यक आयुक्त धुमाळ करीत आहेत.
पाय घसरून पडल्याने ८० वर्षीय वृध्द महिलेचा मृत्यु
नाशिक : पाय घसरून पडल्याने ८० वर्षीय वृध्द महिलेचा मृत्यु झाला. ही घटना शिंगवे बहुला ता.जि.नाशिक येथे घडली. याप्रकरणी देवळाली कॅम्प पोलीस ठाण्यात मृत्युची नोंद करण्यात आली आहे. रूपाबाई विष्णू पवार (रा.शिंगवे बहुला,दे.कॅम्प) असे पडल्याने मृत्यु झालेल्या वृध्देचे नाव आहे. रूपाबाई पवार या गेल्या शुक्रवारी (दि.७) आपल्या घरातील बाथरूममध्ये पाय घसरून पडल्या होत्या. या घटनेत त्याच्या पायास मोठी दुखापत झाली होती. कुटुंबियांनी त्यांना आडगाव येथील वसंत पवार मेडिकल कॉलेज येथे दाखल केले असता सोमवारी (दि.२९) उपचार सुरू असतांना त्यांचा मृत्यु झाला. अधिक तपास पोलीस नाईक भुजबळ करीत आहेत.
