नाशिक : रस्ता ओलांडत असतांना भरधाव आयशरने धडक दिल्याने ६२ वर्षीय वृध्द ठार झाला. हा अपघात वडनेर पाथर्डी रोडवरील राजपूत कॉलनी भागात झाला. याप्रकरणी उपनगर पोलीस ठाण्यात पसार झालेल्या ट्रकचालकाविरूध्द अपघाताची नोंद करण्यात आली आहे. जगदिश अमृतलाल शहा (रा.सुमंगल अपा.शरणपूररोड) असे अपघातात ठार झालेल्या वृध्दाचे नाव आहे. शहा गुरूवारी (दि.२५) वडनेर पाथर्डी रोडवरील राजपूत कॉलनीत गेले होते. दुपारच्या सुमारास ते लक्ष्मी लॉन्स जवळ रस्ता ओलांडत असतांना हा अपघात झाला. पाथर्डी फाट्याकडून भरधाव येणा-या एमएच १६ एई ५८१७ या मालट्रकने त्यांना जोरदार धडक दिली. या अपघातात गंभीर जखमी झालेल्या शहा यांचा मृत्यु झाला. याप्रकरणी भाऊ ललीत शहा यांनी दिलेल्या तक्रारीवरून पसार झालेल्या ट्रक चालकाविरूध्द गुन्हा दाखल करण्यात आला असून अधिक तपास उपनिरीक्षक बटूळे करीत आहेत.
नाशिक – रस्ता ओलांडत असतांना भरधाव आयशरने धडक दिल्याने वृध्द ठार
