नाशिक : रिक्षाचालकास टोळक्याने बेदम मारहाण केल्याची घटना सेवाकुंज भागात घडली. या घटनेत लोखंडी रॉडचा वापर करण्यात आल्याने रिक्षाचालक जखमी झाला असून याप्रकरणी पंचवटी पोलीस ठाण्यात मारहाणीचा गुन्हा दाखल करण्यात आला आहे. मोसीन महम्मद शेख,सोनू शेख आणि त्यांचे दोन साथीदार अशी मारहाण करणा-या संशयीतांची नावे आहेत. याप्रकरणी फिरोज इसाक शेख (रा.पखालरोड) यांनी तक्रार दाखल केली आहे. शेख सोमवारी (दि.२२) रात्री सेवाकुंज भागातील गेले होते. मारूती मंदिरासमोरून ते आपली रिक्षा चालवून नेत असतांना मोसीन शेख या परिचीताने कुठलेही कारण नसतांना त्यांच्या डोक्यात लोखंडी रॉड मारला. यानंतर संशयीत टोळक्याने शेख यांना रिक्षा खाली ओढून शिवीगाळ करीत लाथाबुक्यांनी बेदम मारहाण केली. या घटनेत त्यांच्या डोक्यास व पायांना गंभीर दुखापत झाली असून अधिक तपास पोलीस नाईक खाजेकर करीत आहेत.
