नाशिक : भरधाव अ‍ॅक्टीव्हा इलेक्ट्रीक पोलवर जावून आदळल्याने अल्पवयीन दुचाकीस्वाराच मृत्यु झाला. वडाळारोडवर चालकाचा आपल्या वाहनावरील ताबा सुटल्याने हा अपघात झाला. याप्रकरणी मुंबईनाका पोलीस ठाण्यात मृत्युची नोंद करण्यात आली आहे. अफताब इकबाल अन्सारी (१६ रा.शिवाजीवाडी,भारतनगर) असे अपघातात ठार झालेल्या मुलाचे नाव आहे. अन्सारी मंगळवारी (दि.२३) वडाळारोडने आपल्या अ‍ॅक्टीव्हावर प्रवास करीत असतांना हा अपघात झाला. भारतनगर येथून वडाळागावाच्या दिशेने तो भरधाव वेगात प्रवास करीत असतांना पॅराडाईज अपार्टमेंट समोरील इलेक्ट्रीक पोलवर दुचाकी आदळली. चालकाचा आपल्या वाहनावरील ताबा सुटल्याने हा अपघात झाला. या अपघातात अफताब अन्सारी हा मुलगा गंभीर जखमी झाल्याने त्यास तात्काळ जिल्हा रूग्णालयात दाखल करण्यात आले होते. मात्र उपचार सुरू असतांना वैद्यकीय सुत्रांनी त्यास मृत घोषीत केले. अधिक तपास पोलीस नाईक भगवान भोये करीत आहेत.
