कुटुंबियांना मारहाण करत जबरी लूट
नाशिक – भरदिवसा घरात घुसलेल्या तीन संशयितांनी महिला व तीच्या तीन मुलांना चाकुचा धाक दाखवत काठीने बेदम मारहाण करून ७५ हजाराची जबरी लूट केल्याची घटना शनिवारी (दि.१७) दुपारी घडली. याप्रकरणी यशश्री प्रमोद कुलकर्णी (दादोजी कोंडदेवनगर, गंगापूर रोड) यांनी तक्रार दाखल केली आहे. त्यानुसार यशश्री या त्यांची आई, बहिण व भाऊ असे घरी बसलेले असताना अचानक तीन संशयितांनी घरात प्रवेश करून तुम्ही खोल्या भाड्याने देता, आम्हाला खोल्या दाखवा असे म्हणुन घरात घुसले. लगेच त्यांनी चाकू सर्व कुटुंबियांच्या गळ्याला लावून काठीने मारहाण केली. तसेच रोख ४० हजाराची रक्कम व सोन्याचे दागिणे असे ७५ हजार रूपयांचा ऐवज चोरून नेला. या प्रकरणी गंगापूर पोलीस ठाण्यात जबरी चोरीचा गुन्हा दाखल करण्यात आला आहे. अधिक तपास सहायक निरिक्षक सुर्यवंशी करत आहेत.
——
सावत्र बापाचा बालिकेवर अत्याचार
नाशिक – सराईत गुन्हेगार सावत्र बापाणे ११ वर्षीय बालिकेवर अत्याचार केल्याची घटना नाशिकरोडच्या अश्‍विनी कॉलनी परिसरात शनिवारी रात्री घडली. राही रातु लव्हेरी (३८, रा. अश्‍विनी कॉलनी, सामनगावरोड, नाशिकरोड) असे संशयिताचे नाव आहे. त्याच्यावर नाशिकरोड पोलीस ठाण्यात विविध गुन्हे दाखल आहेत. या प्रकरणी त्याच्या पत्नीने दिलेल्या तक्रारीनुसार राही लव्हेरी हा तक्रारदार महिलेसोबत पती पत्नी प्रमाणे गेली ३ वर्षांपासून राहत आहेत. शुक्रवारी रात्री त्याने अल्पवयीन ११ वर्षीय बालिकेवर जबरदस्तीने अत्याचार केले. या प्रकरणी त्यावर बलात्कार तसेच पोस्को अंतर्गत गुन्हा दाखल करण्यात आला आहे. नाशिकरोड पोलीसांनी त्यास अटक केली असून अधिक तपास उपनिरिक्षक एन.डी. गोसावी करत आहेत.
……
गळफास घेऊन युवकाची आत्महत्या
नाशिक – गळफास घेऊन युवकाने आत्महत्या केल्याची घटना जत्रा हॉटेल परिसरात शनिवारी सकाळी उघडकीस आली. सुनिल रामदास भालेराव (२५, रा.दुसरबिड, जि. बुलढाणा) असे आत्महत्या
करणार्‍या युवकाचे नाव आहे. पोलीसांनी दिलेल्या माहितीनुसार सदर युवक कामधंदा करण्यासाठी नाशिक येथे आला होता. येथील रविंद्र पाटोळे यांनी या प्रकरी तक्रार दाखल केली असून त्यानुसार त्याने वॉमन रूम समोरील पत्र्याच्या शेडमध्ये दोरीच्या सहाय्याने गळफास घेऊन आत्महत्या केल्याचे दिसून आले. याप्रकरणी आडगाव पोलीस ठाण्यात गुन्हा दाखल करण्यात आला आहे.
……..
