जत्रा हॉटेल समोरील महालक्ष्मी नगर भागात भरदिवसा घरफोडीत; चोरट्यांनी लंपास केला ४४ हजाराचा ऐवज
नाशिक : महामार्गावरील जत्रा हॉटेल समोरील महालक्ष्मी नगर भागात भरदिवसा झालेल्या घरफोडीत चोरट्यांनी ४४ हजाराचा ऐवज चोरून नेला. त्यात सोन्याचांदीच्या दागिण्यांचा समावेश आहे. याप्रकरणी आडगाव पोलीस ठाण्यात गुन्हा दाखल करण्यात आला आहे. योगेश प्रभाकर पाटील (रा.शिवशक्ती अपा.महालक्ष्मीनगर) यांनी याप्रकरणी तक्रार दाखल केली आहे. पाटील कुटूंबिय मंगळवारी (दि.१२) कामानिमित्त घराबाहेर पडले असता ही घटना घडली. अज्ञात चोरट्यांनी भरदिवसा बंद घराचा कडीकोयंडा तोडून बेडरूममधील कपाटातून ४४ हजार रूपये किमतीचे सोन्याचांदीचे दागिणे चोरून नेले. अधिक तपास हवालदार बस्ते करीत आहेत.
श्रीकृष्णनगरला एकाची आत्महत्या
नाशिक : औद्योगीक वसाहतीतील श्रीकृष्णनगर भागात राहणाºया ५९ वर्षीय व्यक्तीने विषारी औषध सेवन करून आत्महत्या केली. सदर इसमाच्या आत्महत्येचे कारण समजू शकले नाही. याप्रकरणी अंबड पोलीस ठाण्यात मृत्युची नोंद करण्यात आली आहे. रमेश आनंद नंदन (रा. गोपालपार्क,श्रीकृष्णनगर अंबड) असे आत्महत्या करणाºया व्यक्तीचे नाव आहे. रमेश नंदन यांनी बुधवारी (दि.१३) आपल्या राहत्या घरी अज्ञात कारणातून विषारी औषध सेवन केले होते. त्यात त्यांचा मृत्यु झाला. याप्रकरणी रमेश सोनवणे यांनी दिलेल्या खबरीवरून अंबड पोलीस ठाण्यात मृत्युची नोंद करण्यात आली असून अधिक तपास पोलीस नाईक संगम करीत आहेत.
