नाशिक : बहुमजली इमारतीच्या वरच्या मजल्यावरून वजनी लोखंडी गज अंगावर पडल्याने कामगाराचा मृत्यु झाला. ही घटना गंगापूररोडवरील पाईपलाईन रोड भागात घडली. याप्रकरणी गंगापूर पोलीस ठाण्यात मृत्युची नोंद करण्यात आली आहे. मोहम्मद हसरूल आलाम (२३) असे मृत कामगाराचे नाव आहे. मोहम्मद आलाम पाईपलाईन रोडवरील ओंकार साईड या बहुमजली इमारतीच्या बांधकामावरील कामगार असून, मंगळवारी (दि.१२) तो तळमजल्यावर काम करीत असतांना हा अपघात झाला. वरच्या मजल्यावर काम करणा-या मजूराच्या हातातील वजनी लोखंडी गज निसटल्याने तो तळमजल्यावर काम करणाºया मोहम्मद आलाम याच्या अंगावर पडला. या घटनेत आलाम याच्या छातीस मोठी दुखापत झाल्याने अन्य कामगारांनी त्यास बेशुध्द अवस्थेत तात्काळ जिल्हारूग्णालयात दाखल केले असता वैद्यकीय सुत्रांनी मृत घोषीत केले. अधिक तपास हवालदार झाडे करीत आहेत.
